Refr.
Ich ben de Jagger un ich spelle Jittar
un en unsrem Dorf, Jung, doh ben ich ´ne Star.
Met minger Band, doh rocke ich üvverall
un woh mer spelle, joh doh tobt der Saal.
1.
Am Larerfür, doh spellten ich als Fent janz stolz,
met minger Joden, uss dem Palisanderholz.
Ich sang Stones un Dylan dene andere vür,
für en Flasch Kölsch un ene Ääpel uss dem Larerfür.
Ich sin nitt uss wie der Mick, doch ich rocke esuh jän.
Wie ich richtig heiß, joh dat steiht en d´r Stään.
Ich drare Jeans, ich denk dat steiht mer och janz jot,
drink jähn Kölsch un ich rauche wie `ne Schlot.
Refr.
Ich ben de Jagger un ich spelle Jittar
un en unsrem Dorf, Jung, doh ben ich ´ne Star.
Met minger Band, doh rocke ich üvverall
un woh mer spelle, joh doh tobt der Saal.
2.
Sick vezich Jöhrche rock ich jetz schun he und doh,
wo es die Zick, dat es doch wohl nitt wor.
Han en Frau un Pänz, ben Opa sick zwei Johr
Ich rocke wigger un och ming Pänz, dat es jo wohl klor.
Refr.
Ich ben de Jagger un ich spelle Jittar
un en unsrem Dorf, Jung, doh ben ich ´ne Star.
Met minger Band, doh rocke ich üvverall
un woh mer spelle, joh doh tobt der Saal.
3.
Ich rock immer wigger, ejal wat et och koss
Ming Leder und ming Jittar, die lossen mich nitt loss.
Och der Herjott kritt mich irjendwann nur janz,
dann rock ich em Himmel, mem Petrus an de Drums.
Refr.
Ich ben de Jagger un ich spelle Jittar
un en unsrem Dorf, Jung, doh ben ich ´ne Star.
Met minger Band, doh rocke ich üvverall
un woh mer spelle, joh doh tobt der Saal.
August 2014 - B.Kox