Ich han Dich jesöck
un han Dich jefunge,
han mich verlieb
un mich an Dich jebunge.
Du maahts mich verröck,
Du braahts mir et Jlöck
Du nohms vun mingem Hätz
et jrößte Stöck.
Du häs mich vernetzt,
häs mich besetzt,
un Dich platziert
medden en ming Hätz.
Du häs et probiert,
häs et riskiert,
et wor schun jelaufe
eh ich et kapiert.
Schön Aure jemaaht,
lev Wööder jeschwaat.
Bewäjunge studiert
un Blicke riskiert.
An Dir festjebesse
ming Leppe verschlesse,
met de Aure verschlunge,
Ding Hätz dann jewunne.
Dinge Jeruch
Schmetterlinge em Buch
nit lang jewaat
schön Saache jemaaht.
Janz opjelös
dauernd nervös
Anrufe erwaat
un Surje jemaaht.
Die Sach es jetz rund
bei uns hätt et jefunk,
Mir lossen nie widder loss
ejal wat et koss.
Hängche jehalde
jenau wie uns Woot,
mer machen suh wigger
kummen niemols zu kot.
Februar 2015 - B.Kox