1.
Sin Männertreu eijentlich immer treu?
Un, wie es dat met Dir, suh janz nevven bei?
Sin Kornblome eijentlich immer blau,
suh wie Ding Aure, dat wör en Schau?
Sin Sonneblome eijentlich heiss?
Et jitt nur eins wat ich secher weiß.
Refr.
Du bes ming Blomemädcher, Du bes en schöne Frau.
Schön wie ´ne Frühlingsmorje, noh all dem Winterjrau.
Du bes die schönste Blom un blöhs an enem Stöck.
Du brengs mer all die Färve un och de Sonn zohröck.
2.
Rut sin de Ruse, suh rut wie Ding Schnüss,
suh rut wie Ding Leppe, die ich suh jäähn küss.
Dä Klatschmohn deiht Dir applaudiere,
wenn mir em Sommer durch en Wies spaziere.
Ich han Dich suh jän, mer jläuv et kaum,
vür ming Hätz bes Du de Schlösselblom.
Refr.
Du bes ming Blomemädcher, Du bes en schöne Frau.
Schön wie ´ne Frühlingsmorje, noh all dem Winterjrau.
Du bes die schönste Blom un blöhs an enem Stöck.
Du brengs mer all die Färve un och de Sonn zohröck.
3.
En Frau wie Dich Verjiss mer nitt.
Et es wie `ne Joldrän, wenn mer Dich kritt.
De Jänseblömche han et ald jeschnattert,
Ich danz met `ner Ringelblom, ich han Dich erjattert.
Un wenn Du eh Mauerblömcher ens wörs,
dann wör ich Dinge Mürer, ejal wor Du blöhs.
Refr.
Du bes ming Blomemädcher, Du bes en schöne Frau.
Schön wie ´ne Frühlingsmorje, noh all dem Winterjrau.
Du bes die schönste Blom un blöhs an enem Stöck.
Du brengs mer all die Färve un och de Sonn zohröck.
Dezember 2004 - B.Kox