1.

Ich kaufe Blome om Maat, suh süht dat och uss,

wenn Du zweimol dran schöddels, es et `ne Struß.

Ich decke de Fröhstöcksdesch, bemöhe mich sehr,

Du stells he und doh jet bei un schun hätt et Flair.

Refr.

Dat wat Du hinlächs, süht immer jot uss.

Wärme un Jemötlichkeit, bränks Du uns noh Huss.

Met Dir zoh levve määht einfach nur Freud,

ich han noch keenen Daach bereut.

2.

Klamotte un Möbel, die mir bestelle,

oftmols kann ich `se mir janit vürstelle.

Doch saren dann Besöker,:“Ihr hatt `ne jode Jeschmack.“

Dann weiß ich Du bes janz schön op Zack.

Refr.

Dat wat Du hinlächs, süht immer jot uss.

Wärme un Jemötlichkeit, bränks Du uns noh Huss.

Met Dir zoh levve määht einfach nur Freud,

ich han noch keenen Daach bereut.

3.

Och em Jaade häs Du janz schön jewirbelt,

häs jeplanz, jesääht un jezwirbelt.

Em Sommer han mer uns he ov en et Sönnche jelaaht

Un ich saht zoh Dir, dat häs Du schön jemaaht.

Refr.

Dat wat Du hinlächs, süht immer jot uss.

Wärme un Jemötlichkeit, bränks Du uns noh Huss.

Met Dir zoh levve määht einfach nur Freud,

ich han noch keenen Daach bereut.

November 2003 - B.Kox

B.Kox