Refr.

Ich han en Paybackkaat, dat es en feine Saach.

Ich kauf jetz noch mieh en, och wat ich janit maach.

Ich han en Paybackkaat, dat es d`r neuste Schrei,

woh mer jet kaufe kann, doh ben ich dohbei.

1.

Sick neuestem han och ich ene neue Tick,

ich kaufe alles en, denn Kaufe es widder schick.

Met minger Paybackkaat mache ich alles platt,

ich ben de beste Kunde en de janze Stadt.

Refr.

Ich han en Paybackkaat, dat es en feine Saach.

Ich kauf jetz noch mieh en, och wat ich janit maach.

Ich han en Paybackkaat, dat es d`r neuste Schrei,

woh mer jet kaufe kann, doh ben ich dohbei.

2.

Ich kaufe jeden Dress, ich bruche jeden Punkt.

Alles em Zehnerpack, bei mir doh jeiht et rund.

Klopapier, Zerette un Kamilletee,

ich han vell mieh Punkte wie d`r FC.

Refr.

Ich han en Paybackkaat, dat es en feine Saach.

Ich kauf jetz noch mieh en, och wat ich janit maach.

Ich han en Paybackkaat, dat es d`r neuste Schrei,

woh mer jet kaufe kann, doh ben ich dohbei.

3.

Zu jeder Neueröffnung ben ich dohbei.

Beim Schlussverkauf, stohn ich en d`r ezte Reih.

Wat andere kaufe, dat han ich schun,

vun der Mutter aller Schnäppchen, ben ich de Jung.

Refr.

Ich han en Paybackkaat, dat es en feine Saach.

Ich kauf jetz noch mieh en, och wat ich janit maach.

Ich han en Paybackkaat, dat es d`r neuste Schrei,

woh mer jet kaufe kann, doh ben ich dohbei.

4.

Ich sammele ming Punkte ob ich kaufe udder tank,

av dem fuffzehnte es ming Konto mechtens blank.

Ming jrösstes Problem, et es wirklich für zoh laache,

met minger Prämie künnt ich ne Laade ob maache.

Refr.

Ich han en Paybackkaat, dat es en feine Saach.

Ich kauf jetz noch mieh en, och wat ich janit maach.

Ich han en Paybackkaat, dat es d`r neuste Schrei,

woh mer jet kaufe kann, doh ben ich dohbei.

Dezember 2003 - B.Kox