1.
Ich weiss et noch wie Hück, et wor en Schau,
de letzte Scholdaach, mer woren all blau.
De jrösste Schnauz en d´r janze Klass.
Met dem, doh hatte mer ov vell Spass.
Hä kräch och nitt immer für sing Sprüch Applaus,
doch wat de om Hätz hatt, dat moht eraus.
Refr.
Mahht ich einer he blöd an,
schrievt et ahn,
schrievt et ahn,
suh lang ich noch ene Deckel han.
2.
Donnersdaach Ovend, et wot sich jetroffe,
et wot jewürfelt un Gaffel jesoffe.
De Heinz, de Herri, Jagger un Schokker,
de Stimmung wor laut ävver immer schön locker.
Doh säht Hä, Junge maaht et jot,
ich muss Heim, trick de Jack an un nimmp singe Hot.
Refr.
Mahht ich einer he blöd an,
schrievt et ahn,
schrievt et ahn,
suh lang ich noch ene Deckel han.
3.
Lang bös sin kunt mer im nitt sin,
dofür stecke zovill Hätz en singer Wööt met drin.
Hä saht ov Sache die mor nitt sare durf,
doch irjendwie kräht Hä immer de Kurv.
Un bevür hä jing, kom immer singe Spruch,
ich jläuv dat hätt dä irjenswie jebruch.
Refr.
Mahht ich einer he blöd an,
schrievt et ahn,
schrievt et ahn,
suh lang ich noch ene Deckel han.
4.
Dies Daach om Friedhoff stunt ich an singem Grav.
Doh dach ich noch, Hä wor doch eijentlich janz brav.
Hä wor laut, ihrlich un immer jraduss,
wat Hä saaht dät manchmol wieh, et wor selden Stuss.
Doch singe Humor, joh dä wor immer fein,
suh stunt dann och ob singem Stein.
Refr.
Mahht ich einer he blöd an,
schrievt et ahn,
schrievt et ahn,
suh lang ich noch ene Deckel han.
Oktober 2004 - B.Kox