Refr.
Wenn alles passiert, wat passiere künnt,
ob ich dann wirklich noch he stünd?
Wat leev nitt alles en dene Johre verkiert,
mer muss och liere, wie et Levve funktioniert.
1.
Mer hatten keen Spellzemmer volljeknallt,
met Barbies, Gameboys un EDV jeballt.
Mer woren nur ob de Stroß und dat nitt zoh koot,
jingen etz Heim, wenn et dunkel woot.
„Postkutchenüberfall“,“Verstecke“ un „Räuber un Gendarm“
uns Spelle hatten noch Spannung un Charme.
Refr.
Wenn alles passiert, wat passiere künnt,
ob ich dann wirklich noch he stünd?
Wat leev nitt alles en dene Johre verkiert,
mer muss och liere, wie et Levve funktioniert.
2.
Mer lierten jewinne, mer lierten verliere
un och ens einfach jet zoh reskiere.
Die Jrusse passten ob die Kleene op,
manchmol jov et och ens eene drop.
Uns Eldere woßten ov janit wor mer sin,
eh Handy, hat dohmols noch keener em Sinn.
Refr.
Wenn alles passiert, wat passiere künnt,
ob ich dann wirklich noch he stünd?
Wat leev nitt alles en dene Johre verkiert,
mer muss och liere, wie et Levve funktioniert.
3.
Mer Pänz kunnten de Flasche noch selver opschruve,
ob Medizin, Reiniger udder Saff vun de Druwe.
Ene Fahradhelm brohten mer keene zoh drare,
Airback un Kindersitz jov et noch nitt beim Fahre.
Wenn et jröne Männche kom, durften mer jon
Un bei Rud, doh bleeven mer einfach stonn.
Refr.
Wenn alles passiert, wat passiere künnt,
ob ich dann wirklich noch he stünd?
Wat leev nitt alles en dene Johre verkiert,
mer muss och liere, wie et Levve funktioniert.
4.
Spellzeug un Möbel woren ov selvsbemolt,
suh manche Färv hätt noch jestrohlt.
Alle Dörre an de Schränk jingen dohmols noch op,
ob uns Fingerche passten mer selver noch op.
Zoh uns Früngde jingen mer einfach hin,
zom Spelle brohten mer noch keene Termin.
Refr.
Wenn alles passiert, wat passiere künnt,
ob ich dann wirklich noch he stünd?
Wat leev nitt alles en dene Johre verkiert,
mer muss och liere, wie et Levve funktioniert.
5.
En d`r Scholl, doh wor et eijentlich och jot,
bei dem Ene leev et schlechter, `ne Ander wor jot.
Mer lierten schnell met Enttäuschung zoh levve
un manchmol bleev ens ener klääve.
Et wor och nitt schlemm, als et mich selver jetrovve,
ich lierten zoh arbeide, zoh kämpfe un zoh hoffe.
Refr.
Wenn alles passiert, wat passiere künnt,
ob ich dann wirklich noch he stünd?
Wat leev nitt alles en dene Johre verkiert,
mer muss och liere, wie et Levve funktioniert.
6.
Secher jitt et Hück vell jode neue Sache,
doch ich jläuv mer hatten dohmols mieh zoh laache.
Et jov nitt suh vell, dröm broht`s de mieh Fantasie,
mer lierten besser op zoh passe, söns däht et noch wieh.
Misserfolg un Entäuschung han mer hucknoh jespürt,
mer han schnell jeliert, wie et Levve funktioniert.
Refr.
Wenn alles passiert, wat passiere künnt,
ob ich dann wirklich noch he stünd?
Wat leev nitt alles en dene Johre verkiert,
mer muss och liere, wie et Levve funktioniert.
November 2003 - B.Kox