1.
Ich jing met minger Frau am Sunndaach jet spaziere,
mer wullten nur eh besje am Rhing entlang flaniere.
Doh sochen mer die Palme un dä weiße Sand,
mer han uns en Kölle plötzlich nitt mieh ussjekannt.
En Fatamogana daach ich en mingem Brass,
doh soch ich alll die Minsche un et jov och Kölsch vum Fass.
Refr.
Leeven Tünnes, leeven Schäl, hatt ihr et schun jesinn?
Mer han jez he en Kölle, de Ballermann am Rhing.
Liejestöhl, Sand un de janzen Daach nur Sonn
un dohzoh och noch die Aussicht op unsere schöne Dom.
2.
Mer jingen dann dohin, dat wullten mer doch wesse.
Et wor jlich wie em Urlaub, de Arbeit wor verjesse.
Doh soßen all uns Früngde schun, ich sach doh sin mer dohbei.
Ich rove minge Chef an un nem drei Woche frei.
Mer läjen uns en et Sönnche un singe kölsche Tön.
Jeiht dann et Sönnche unger, es uns Kölle suh schön.
Refr.
Leeven Tünnes, leeven Schäl, hatt ihr et schun jesinn?
Mer han jez he en Kölle, de Ballermann am Rhing.
Liejestöhl, Sand un de janzen Daach nur Sonn
un dohzoh och noch die Aussicht op unsere schöne Dom.
3.
Kilometer sech ach nüng, suh heiß dä neue Strand.
Ich han en he en Kölle bis neulich nitt jekannt.
He triv sich jetz janz Kölle, op krüz udder quer,
Leeven Tün un leeven Schäl, ihr kömt secher och jän ens her.
He es eh super Klima, op met Kölsch udder met Wing,
et pass suh jot zoh Kölle, et es en Ührem Sinn.
Refr.
Leeven Tünnes, leeven Schäl, hatt ihr et schun jesinn?
Mer han jez he en Kölle, de Ballermann am Rhing.
Liejestöhl, Sand un de janzen Daach nur Sonn
un dohzoh och noch die Aussicht op unsere schöne Dom.
Juli 2004 - B.Kox