Bernds koelsche Weihnacht

Kreise trecke

Stern inaktivStern inaktivStern inaktivStern inaktivStern inaktiv

En et Wasser fällt ´ne Stein un trick doh schön `ne Kreis.
Och Du tricks manche Kreis, bei allem wat Du deihs.

Bei all dä jode Sache, brengs ov de Lück zom Laache,
och dat es ene Kreis, dat Laache Dinge Preis.

All ding jode Wöder sin och ene schöne Kreis,
se treffe en et Hätz ren, ich will dat Du dat weiß.

Ding  jode Tate jeden Daach, die trecken ene Kreis,
Du hilfs de Minsche wigger un die sin Dinge Fleiß.

Du bes ´ne jode Käl, näh, Du bes keene Stein,
doch die Kreise die Du tricks, die kann jeder sin.

Du drächs de Tannebäum denne Lückcher bis für de Dür,
och dat es ene Kreis, stell Dir dat ens für.

Du kochs och immer Glühwein für ühre Weihnachtsmaaht
dann stoht ihr doh em Kreis un waat op de hellije Naach.

Doh lit eh kleen Jeschenk unger dem Baum für Dich,
suh schleß sich dann dä Kreis, Fruhe Weihnachte für Dich.

November 2022 B.Kox




De Krepp es leer 2021

Bewertung: 5 / 5

Stern aktivStern aktivStern aktivStern aktivStern aktiv

 

En unsrer Kirch, es en Krepp, janz vörre en d´r Medde,
en Frau, kneten vür ener Kätz un wor doh noch am bedde.
„Kutt flöck,“ rev se, „ich ben dut für Schreck,
de Krepp es janz leer, et Jesuskind es weg.“

Dä Pastur rev „ne, dat kann doch nit sin
dä Jupp un dat Marie ston doh janz allein.“
Och wot de Polizei en uns Kirch jerove,
se han ringseröm doh alles avjelofe.

Doch et wullt un wullt inne janit jelinge,
dat kleene Jesuskind zoh finge.
Ob Twitter un Whatsapp woht je chattet,
„Jesuskind, noch nicht jerettet.“

Dann wot et still un doh, janz höch,
kom ´ne kleene Fetz medden durch de Kirch.
Hä wor janz stolz un heelt dat Kind em Ärm,
met Schal un singer Jack, doh helt Hä Jesus wärm.

„Han en Rund Nintendo Switch met im jespillt,
hä kannt dat nit, ich han im alles verzählt.“
„Ich helt de Konsole, Super Mario, eh Autorenne.
Hä hatt de Hängche jefalde, dät bedde, ich sullt wohl jewinne.“

„Nohm vierte Renne es hä enjeschlofe, wor wohl jet möd.
Dröm breng ich en, en sing Krepp, en de Kirch zohröck.
Ich han jehoff, dat im Super Mario jefällt,
hä weiht joh och ens ene Retter der Welt.“

„Ich weiß, ihr hatt üch all öm dat Jesuskind Surje jemaaht,
evver ich han im noch nieh wirklich Danke jesaht.
Ich ben esuh jlöcklich un hä och, dat wor minge Grund.
Üch all fruhe Weihnachte un blievt bitte jesund.

November 2021 – B.Kox

 

Weihnachten 2020

Bewertung: 5 / 5

Stern aktivStern aktivStern aktivStern aktivStern aktiv

Ob an Corona och jet Jodes es?
Wie mer ob einmol de Minche vermess.
Heilligovend fiere ich eh riesen Fest,
dat de Welt erstaune löss.

Einschränkunge weiht et doh keen jevve,
dat weiht schön, Du weiß et erlevve.
Ming janze Famillich bal Hundert Lück,
all ming Fründe un Kollege kommen och met.

Ming Lieblingskunde, dat sin secher vell
un och de treue Lieferante, dat weiht eh Spell.
Die Jecke, met denne ich Karneval mache,
mer singe Weihnachtsleder un dun vell lache.

Laschi un Lauti und dä Söder kütt och,
die Merkel un dä Spahn, ich krieje janit jenoch.
Ene riesige Weihnachtsbaum stellen ich en d´r Saal eren
un och en Kripp, met dem Jesuskind dren.

Maskenpflicht, bei mir ob keine Fall,
et weiht joh keene Maskenball.
Och Avstand bruch he keener zoh hale,
doht danze un üch ungerhale.

Am 24.Dezember es et eh suh wick,
ich hoffe nur Ihr hatt all Zick.
En welchem Saal wullt ihr wesse, dat mäht Sinn,
ich fiere met Üch all dev en mingem Hätze dren.

Dezember 2020 – B.Kox

Lauft Kinder lauft (St.Martin)

Stern inaktivStern inaktivStern inaktivStern inaktivStern inaktiv

Zint Määtes es hück widder he!
Lauft, Kinder, lauft!
Wenn dä uns rööf, sin mer schnell he!
Lauft, Kinder, lauft!

De Latän en de Hand
un dat Käzche anjebrannt,
en de Strooß erob erav,
Lauft, Kinder, lauft!

Zint Määtes wor ne jode Man!
Lauft, Kinder, lauft!
Dä mer einfach jän muss han!
Lauft, Kinder, lauft!

Weiterlesen: Lauft Kinder lauft (St.Martin)

En unserer Weihnachtsbäckerei

Bewertung: 5 / 5

Stern aktivStern aktivStern aktivStern aktivStern aktiv

Bei de Uroma en d´r Köch

Backe, backe Plätzchen,
ich back met mingem Schätzchen
en d´r Weihnachtsbäckerei
suh manche Leckerei

Makrone un och Spritzjebäck
ich hoffe, dat et jedem schmeck.
Uss nem Holzbrett bal 100 Johr
kütt de Spekulatius Johr für Johr.

Un uns Pänz sin och dohbei
en unserer Weihnachtsbäckerei.
Ne wat han die für ´ne Spaß,
dä Kleen, dä es vum Mehl janz blass.

Zehn Dose han mer volljekräch,
wenn mer sich dat ens üvverläch,
dat rick für et  janze Johr leven Jott.
Doch am 3. Advent, es de Hälfte ald fott.

Dezember 2018 – B.Kox

Weihnachtszick

Bewertung: 5 / 5

Stern aktivStern aktivStern aktivStern aktivStern aktiv

Jetz es et bal widder suh wick,
de Leechter kummen en d´r Finster zohröck.

Ob Rehe, Nicköläus, Kääze udder Stän,
mer süht die Leechter schun uss de Fän.

Üvverall weiht de Dunkelheit heller jemaaht,
als wenn mer ob en Erleuchtung waaht.

Manch einer denk et nimmp üvverhand
un hätt ald tüchtig dröver jeschant.

Doch jit et och Hoffnung un strahlt Dich an
mer weiht et wärm öm et Hätzje dann.

Jedes Leech määht Dir de Adventszick jet heller
un dat Wade ob Hellichovend, verjeiht jet schneller.

Keen Finster met ´nem Leech dren han ich je bereut
de Minsche deilen domet doch ihr Freud.

Wenn dann en dä Jädens de etzte Tannebäum funkele
es dat herrlich anzohsin em Dunkele.

Un et Schönste üvverhaup, jläuvt mer et stemmt
wenn et dann noch an zoh schneie fäng.

Jetz es et bal widder suh wick,
de Leechter kummen en d´r Finster zohröck.

Oktober 2017 – B.Kox

Chriskind, wor bes Du eijentlich em Sommer

Bewertung: 5 / 5

Stern aktivStern aktivStern aktivStern aktivStern aktiv

Christkind, Du mähs mir sick Johre kummer,
ich froch mich, wor bes Du eijentlich em Sommer?
Johrelang dät ich et mir erhoffe
ich hät Dich ens an d´r Nordsee jetroffe.

Udder ens em Schwemmbad, medden en d´r Woch
doch keiner hät Dich je jesin, ejal wäh ich froch.
Nur hellig Ovend, doh darf Dich dann jeder sin
doch wat es dohnoh, wor jeihs Du dann hin?

Sick minger Kindheit, dät ich jeden frore,
hat ov dat Geföhl, ich wäde belore.
Wor de Himmel janz rut, wenn mer November hatte,
saht ming Oma: Et Christkind es Plätzche am backe.

Evver et hät mich nit ruhijer jemaht
ejal wat der Eine udder dä Andere saht.
Bis ming Mam mer saht: Küngk seih fruh
en jedem jode Minsch, doh wörs Du.

Vell später kunt ich ming Mam dann verston,
ez mohten noch eh paar Jöhrche verjon.
Wenn mer Dich nüdich hätt, dann bes Du immer doh.
Wor Du em Sommer bes, dat es mir jetz klor.

Dezember 2017 – B.Kox

Dominostein

Bewertung: 5 / 5

Stern aktivStern aktivStern aktivStern aktivStern aktiv

De wertvollste aller Edelstein,
dat es für mich dä Dominostein.

Eh dreiveedel Johr kannste se nitt finge,
kanns et versöcke, et weiht nitt jelinge.

Bal schun, wie en d´r Goldgräberzick
lure em August ov hä nitt schun en d´r Geschäfte litt.

Met Aprikosengelee Lebkuchen un Marzipan,
määht die Schichtpralin mich wirklich an.

Dä Chocolatier Herbert Wendler hät se erfunge,
Jung, dat es Dir jotjelunge.

Als Notpralin eins ens erdach,
hürt hä en d´r Weihnachtszick wie de hellije Naach.

Dä Dominostein hürt ob jeden Weihnachtsteller
fehlten hä bei minger Geschwister, wor ich widder schneller.

De wertvollste aller Edelstein,
dat es für mich dä Dominostein.

Oktober 2017 – B.Kox

Freitag, 29 03 2024

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.