Spekulatius es eh lecker Jebäck,
wat ich am levste et janze Johr üvver hätt.
Doch bei uns, und at es besonders schick
jitt et dat nur en d´r Weihnachtszick.
Jewürze wie Kardamom, Gewürznelke und Zimt
surje dofür, dat et Aroma stemmp.
Un wenn Du dropp lurs, et es koot verzällt,
weiht Dir och noch de Nickolausjeschichte verzällt.
Em Advent, wirklich eh muss,
dä leckere Spekulatius.
November 2013 – B.Kox
Bewertung: 5 / 5
Der Fuchs es dut
De dunkle Johreszick es widder doh
minge Früngk, dä Fuchs, es nit mieh doh.
Stolz stuns Du doh un lurtes ob de Stross
Du levs nit fott, Du wors dä Boss.
Es doh einer wie verröck jeras
udder häs Du einfach nit opjepass?
Ich ben traurig un ich han Wut,
minge Früngk dä Fuchs es duut.
Et wot keene jruße Bohei jemaaht,
Du wots einfach an de Rand jelaaht.
Doh liss Du jetz janz einfach nur,
der Rest, dä regelt de Natur.
Januar 2016 – B.Kox
Bewertung: 5 / 5
Dä Fuchs
De dunkle Johreszick es widder doh
un minge Früngk, dä Fuchs, wie jedes Johr.
Oft sin ich Dich am Strosserand
mer sin joh bal schun jotbekannt.
Bewertung: 5 / 5
7 Et jitt keen Iisblome mieh
Lur doch ens wirklich janzjenau hin,
wann häs Du se zohletz jesin?
Bei mir es et secher ald fufzich Johr her
dat ich se soch an enem Finster.
Iisbloome kummen nur en d´r Naach
se sin vell zu schön vür de hellichten Daach.
Barbara, mer gläuv et kaum
Ming Schoh die glänze wie ene Draum.
Joh, et es wirklich wor
ich han se jeputz, et ezte mol em Johr.
Söns mäht dat joh immer d´r Mam,
weil ich dat joh einjentlich janit kann.
Se putz joh och ming Fussballschoh, dat es joh klar
ich muss joh dren spelle, ich wäd Fussballstar.
Ich stell se drusse vür d´r Dür,
ich hoffe, Du häs Hück Nach nix anderes vür.
De Leckerste Sache wöt ich jän dren sin
un bitte dun mer keene Klütte dren.
Dann lauf ich Morjefröh janz flöck eruss
un freue mich üvver Dingen söße Gruss.
Für Ding Leckerche saren ich Dir hätzlichen Dank
un nächs Johr, putz ich se widder blitzeblank.
November 2015 – B.Kox
Bewertung: 5 / 5
Schneemann
Schneemann, leven Schneemann, Du sühs suh herrlich uss,
Du mähs uns suh en Freud, dat ich et sahren muss.
Deck un wies un rund, wat für ´ne staatse Jung
trotz dat et issekalt es, wills Du nit en d´r Sunn.
Du sühs suh fründlich uss un Dinge Hot wor secher dür?
Ding lange, orangene Nas, die steiht schun janz schön vür.
Bewertung: 5 / 5
Weihnachtsmaat 12.24
Lechter blinke un funkele
süht herrlich uss em Dunkele.
Leich lock de Lück en dä düsteren Zick
dat wor früher suh un suh es et Hück.
De Düfte machen verröck de Nas
Anis, Kuschteie un Früchte em Glas.
Bewertung: 5 / 5
Melodie: Kutt erop, kut erop, kut erop... Willy Ostermann
Wat es dat? Wat es loß?
Ob de Wies un de Stross
alles wieß he wick un brick,
jetz kütt die Winterzick,
de Jacke wäden deck.
Üvver Naach janz leis
kom hä anjereis
all Pänz die flippen uss
un paar Minute später kommen se och all eruss.
Em drette Stock em Finster steiht Frau Palm, die wink un schreit:
Kutt eruss! Kutt eruss! Kutt eruss!
Nee, wat süht dat herrlich uss.
Keen Kind wat sich nit freud
et hätt dies Naach jeschneit.
Kutt eruss! Kutt eruss! Kutt eruss!
Nee, wat süht dat herrlich uss.
Keen Kind wat sich nit freud
et hätt dies Naach jeschneit.