Bernds koelsche Weihnacht

Nichtraucher

Drucken

Details: Zugriffe: 66

Nichtraucher

Ich jläuv , ich wäd jeck man,
ich wullt ene Weckmann
uss minger Bäckerei,
die Zigge sin vorbei,
meinte die Bäckersfrau,
die woß et janz jenau.
Evver dat hat ich noch nit jekannt,
die wäden jetz Nichtraucher jenannt,
denn die han jetz keein Pief
mieh am Liev.
Die Frau däht et mer dann och sare,
en Pief koss fünfunvezich Cent, die dun mer jetz spare.
Dröm han mer en koter Hand
einfach ömbenannt.
Jetz dürf ihr dreimol rode,
Es hä doher billijer jewode?

November 2025 B.Kox

Schöckelpääd

Drucken

Details: Zugriffe: 202

Schöckelpääd

Schökkelpääd

Zum hellije Ovend, dat es nit verkeet,
doh wünsch ich mir eh Schökkelpääd.

Schöckele es jenau wie et Levve,
vür un zohröck, Du muss alles jevve.

Och om Spellplatz op d´r Schökkel doh kütt mer en et Schwitze
un wer sich nit anstrengk, der bliev nur dumm setze.

Jeiht et zohröck, muss de Dich noh vörre strecke
söns weiht et Dich widder noh hinge trecke.

Suh jeit dat immer wigger, immer em Fluß
Du muss Dich strecke ohne Verdruß.

Mol swing mer frei wie eh Vöjelche em Sommerwind
dann muss Du klettere wie `ne Bergsteijer öm de Gipfel zoh sin.

Et jeiht rop un erunder, bei jedem von uns
evver dat hin un her, dat es die Kunst.

Mer krett nix jeschenk, mer muss schon jet dun
dat liert mer op dem Schöckelpääd schun.

Sühste ens en Schöckel beim Spaziere jon,
dann bliev doch ens eh paar Minutte ston.

Setz Dich noch ens drop un schökkel janz doll
erop un erunder, och Ding Levve es dovun voll.

Dröm wünsch ich mer dat Schöckelpäd, et es nit verkeet,
denn domet hät mer et zoh etz jeleet.

Oktober 2025 - B.Kox

Adventskalender

Drucken

Bewertung: 5 / 5

Details: Zugriffe: 2278

Adventskalender

Adventskalender (gelesen von Björn Diethelmson)

Adventskalender, wie ihr se kennt, die jov janz fröher nit.
24 Striche an der Tafel, jemolt met wießer Krick.

Schockolädcher udder Jutsching hinger jeden Dür
ne, dat kom fröher noch nit für.

De Pänz durften jeden Dach ene Strich wegmache,
manch einer maht zwei fott, dat wor für zoh lache.

De Zick bis hellich Ovend jing domet nit schneller vorbei,
de Mam däht et merke un maht widder eine dohbei.

Marzipan und un Sößes jov et nit en Masse,
hück lit et Engk Aujust schon vür de Kasse.

Et woht jefastet, jebet un ob Jesu Jeburt jewaht,
Hück es em Advent nur noch Jewinn anjesaht.

Jeschäfte sin für janix mieh fies,
Engk Sommer, Dominostein palettewies.

Spekulatius un Schoko Nickläus eh Massenprodukt,
ich jev zoh, mir hätt et och ald en de Finger jezuck.

Lot uns all noch ens ob der Kern besinne,
stoppt der Wahnsin, doht vun vörre bejinne.

Hellich Ovend weiht uns all dann klor,
och ohne dä janze Krohm es Jesus dann doh.

Dann kann dat Weihnachtsfest bejinne,
Fruhe Weihnacht, jenesst et met all ührer Sinne.

09/2024 – B.Kox

Ne Engel

Drucken

Details: Zugriffe: 2344

Text und Musik: The Kelly Family

Ich wünscht, ich hätt ding Flügelpaar,
manch mol dräum ich dat sujar.
Ich dät Schmetterlinge jare,
Bis se de Sunn ob de Füjel drare.

Hück Ovend woren ming Aure zoh
weil ich ´ne Schwarm vun Engel soch.
Ich moht dä magische Himmel berühre
un wollt die Engel jään öns spühre.

Manchmol wünscht ich, ich wör `ne Engel
manchmol wünscht ich, ich wör du.
Manchmol wünscht ich, ich wör `ne Engel
manchmol wünscht ich, ich wör du.

Un all die Engel vun de bovven,
han met Liebe mich üvverschodde.
Un während se öm mich fleje
han ich söße Bützje kräje.
Ich wünscht, ich hätt ding Flüjelpaar.
Suh wie em Draum vun letzte Naach,
Ich wor em Paradies en Zick,
un ich wünscht, ich hätt et nie erblick.

Manchmol wünscht ich, ich wör `ne Engel
Manchmol wünscht ich, ich wör du.
Manchmol wünscht ich, ich wör `ne Engel
manchmol wünscht ich, ich wör du.

Evver et litt Jefahr en de Luft
die versöck uns immer Angst zoh maache
Jefahr lit en de Luft
die versöck uns immer Angst zoh maache,
evver mer han keen Angst!

Manchmol wünscht ich, ich wör `ne Engel
Manchmol wünscht ich, ich wör du.
Manchmol wünscht ich, ich wör `ne Engel
manchmol wünscht ich, ich wör du.
Manchmol wünscht ich, ich wör `ne Engel
manchmol wünscht ich, ich wör du.

Ich wünscht, ich wör du
Oh, ich wünscht, ich wör du.

November 2023 – B.Kox

Stään am Himmel

Drucken

Details: Zugriffe: 2507

Melodie: Sternenhimmel Hubert Kah

Als se durch die Wüste jon,
bleven se ob einmol ston.
Drei Weise uss dem Morjenland,
sohen wat doh am Himmel stand.

Oh ihr Engel singt für in eh Leed.
Seht ihr, wat üvver dem Stall, am Himmel steiht

Se sohn dä Stään am Himmel, Stään am Himmel, Stään am Himmel ohoh
Se sohn dä Stään am Himmel, Stään am Himmel, Stään am Himmel ohoh

Als se vür dem Stall dann ston,
süht mer en de Knee se jon.
Weil se ihre Herrjott sin,
dat Kind doh en dem Kreepche dren.

Oh Himmel loss uns nit allein,
Oh Stään, dat muss unsere Heiland sin.

Se sohen dä Stään am Himmel, Stään am Himmel, Stään am Himmel ohoh
Se sohen dä Stään am Himmel, Stään am Himmel, Stään am Himmel ohoh

Hallelujah, leluja, hale, halleluja lejuja, Hallelujah.
Hallelujah, leluja, hale, halleluja lejuja, Hallelujah.

Oh Himmel loss uns nit allein,
Oh Stään, dat muss unsere Heiland sin.

Se sohn dä Stään am Himmel, Stään am Himmel, Stään am Himmel ohoh
Se sohn dä Stään am Himmel, Stään am Himmel, Stään am Himmel ohoh
Se sohn dä Stään am Himmel, Stään am Himmel, Stään am Himmel ohoh
Se sohn dä Stään am Himmel, Stään am Himmel, Stään am Himmel ohoh
Se sohn dä Stään am Himmel, Stään am Himmel, Stään am Himmel ohoh
Se sohn dä Stään am Himmel, Stään am Himmel, Stään am Himmel ohoh

November 2024 – B.Kox

Dä kleene Jung met dem Trömmelche

Drucken

Details: Zugriffe: 3138

Melodie: Little Drummerboy, Katherine Kennicott Davis

Pa ram pam pam pam
ram pam pam pam

Ming ez Trömmelche,
Pa ram pam pam pam
loch ungerm Weihnachtsbaum.
Pa ram pam pam pam.
Ich han mich suh jefreut,
Pa ram pam pam pam
et wor minge jrösste Draum.
Pa ram pam pam pam
ram pam pam pam
ram pam pam pam.

Naachts leev ich en de Kirch,
Pa ram pam pam pam
doh an de Krepp.
Pa ram pam pam pam
ram pam pam pam.

Kleine Jesus,
Pa ram pam pam pam
Ich ben ´ne kölsche Jung.
Pa ram pam pam pam.
He lur ming Trömmelche,
Pa ram pam pam pam
Ich spelle jähn für Dich,
Pa ram pam pam pam
ram pam pam pam
ram pam pam pam.

Sull ich spille für dich?
Pa ram pam pam pam
ob minger Trumm.
Pa ram pam pam pam
ram pam pam pam.

Maria nickte,
Pa ram pam pam pam
Dä Jupp meint nur loss jon,
Pa ram pam pam pam.
Ich spelt ming Trömmelche,
Pa ram pam pam pam.
Ich spellte schön für ihn.
Pa ram pam pam pam
Ram pam pam pam
Ram pam pam pam

Hä hätt mich anjelaach,
Pa ram pam pam pam
mich un ming Trumm.

Weihnachtszick-Schrottwichtelnzick

Drucken

Bewertung: 4 / 5

Details: Zugriffe: 1886

Weihnachtszick-Schrottwichtelnzick

Weihnachtszick-Schrottwichtelzick

Noch 14 Daach, dann es et suh wick, ich freu mich drop wie jeck.
Schrottwichtelovend mem Kejelclub, dat es immer nett.

Du bruchs nix jruß zoh kaufe, op enem Weihnachtsmaat,
nem jet uss Dinger Plunderkess un mach et schön parat.

Et Elle hätt ´ne ne Bierkrug, ech ene super Ahle,
dä jehürt ihrem Paul un dä wöt en jän behale.

De Diskussion die nimp kein Engk, et Elle setz sich durch,
dä Krug dä weiht beim Wichtele Ihre jruße Wurf.

Ria un Pit han ene plastik Kacktus, dä waggelt bei Musik.
Dä han se herrlich enjepack, dat es ihre Hit.

En Haub für Klopapier, jehäckelt udder jestrick
Anne un Jürgen brengen die en 14 Daach dann met.

Jedes Päärche brengk suh singen ahlen Dress dann met
un all sin seh extrem jespannt, wer ihren Prüll dann krett.

Et weiht jewürfelt un bei sechs, doh darf Du Dir jet nemme,
keener weiß wat enjepack en denne Päckche drenne.

Bei fünf, doh darfs Du tuche, bei vier doh jievs Du wigger
em Urhzeijersinn dem Nächste, dann jeiht dat Spellche wigger.

Bei drei un zwei doh tuchs Du noh rechs udder noh links
un pass bloss op, dat keiner vürher spings.

Bei eins darf mer bestemme wer met wem jetz tuche muss,
dat jeiht suh eh paar Ründche un dann es och bal Schluss.

Jeder pack jetz uss et weiht jelaach wie jeck,
dä Bierkruch kräch de Paul, dä Tränche en de Äuelche hätt.

Oktober 2023 – B.Kox

Dat Wunder vun Bethlehem

Drucken

Details: Zugriffe: 1957

Dat Wunder vun Bethlehem

„Dat es Jesus,“meinten dä Hirt.
Maria un Josef lurten verwirrt.
Ochs un Esel staunten nit schläch,
Die Könige meinten nur“de Hirt hätt rech“
„Dä helle Stän, dä zeigten uns de Richtung
he zum Stall, zu unserem Herrjott singem Jung.“
Dat Kind wor janz still, suh wie die Naach,
„Hallelujah“ meint ´ne Engel,“sit jan sach.“
„Fürchtet üch nit, et es de hellije Naach.“
„Jetz lurt un staunt, de Welt hällt de Odem an,
zum Stall vun Bethlehem wo alles begann.“
En dem Kreppche lit Jesus unser Held.
Suh eh kleen Küngk un doch dä Retter dä Welt.

Dezember 2022 – B.Kox

NEU 05.2025 - Bernd und Jesus

Gedichte

Klassik Kölsch

Liedtexte

Ahle Kölsche neu

Kölsche Cover

Kölsche Weihnacht