Dä Fuchs
- Details
- Zugriffe: 15105
De dunkle Johreszick es widder doh
un minge Früngk, dä Fuchs, wie jedes Johr.
Oft sin ich Dich am Strosserand
mer sin joh bal schun jotbekannt.
De dunkle Johreszick es widder doh
un minge Früngk, dä Fuchs, wie jedes Johr.
Oft sin ich Dich am Strosserand
mer sin joh bal schun jotbekannt.
Lur doch ens wirklich janzjenau hin,
wann häs Du se zohletz jesin?
Bei mir es et secher ald fufzich Johr her
dat ich se soch an enem Finster.
Iisbloome kummen nur en d´r Naach
se sin vell zu schön vür de hellichten Daach.
Barbara, mer gläuv et kaum
Ming Schoh die glänze wie ene Draum.
Joh, et es wirklich wor
ich han se jeputz, et ezte mol em Johr.
Söns mäht dat joh immer d´r Mam,
weil ich dat joh einjentlich janit kann.
Se putz joh och ming Fussballschoh, dat es joh klar
ich muss joh dren spelle, ich wäd Fussballstar.
Ich stell se drusse vür d´r Dür,
ich hoffe, Du häs Hück Nach nix anderes vür.
De Leckerste Sache wöt ich jän dren sin
un bitte dun mer keene Klütte dren.
Dann lauf ich Morjefröh janz flöck eruss
un freue mich üvver Dingen söße Gruss.
Für Ding Leckerche saren ich Dir hätzlichen Dank
un nächs Johr, putz ich se widder blitzeblank.
November 2015 – B.Kox
Lechter blinke un funkele
süht herrlich uss em Dunkele.
Leich lock de Lück en dä düsteren Zick
dat wor früher suh un suh es et Hück.
De Düfte machen verröck de Nas
Anis, Kuschteie un Früchte em Glas.
Schneemann, leven Schneemann, Du sühs suh herrlich uss,
Du mähs uns suh en Freud, dat ich et sahren muss.
Deck un wies un rund, wat für ´ne staatse Jung
trotz dat et issekalt es, wills Du nit en d´r Sunn.
Du sühs suh fründlich uss un Dinge Hot wor secher dür?
Ding lange, orangene Nas, die steiht schun janz schön vür.
Melodie: Lasst uns froh und munter sein
Hoffentlich erkennen die mich nit,
jespannt, wer seh met de Rute krett.
Lustig, lustig, tralera-leloh,
Hück es Nikolausovend doh!
Hück es Nikolausovend doh!
Melodie: Kutt erop, kut erop, kut erop... Willy Ostermann
Wat es dat? Wat es loß?
Ob de Wies un de Stross
alles wieß he wick un brick,
jetz kütt die Winterzick,
de Jacke wäden deck.
Üvver Naach janz leis
kom hä anjereis
all Pänz die flippen uss
un paar Minute später kommen se och all eruss.
Em drette Stock em Finster steiht Frau Palm, die wink un schreit:
Kutt eruss! Kutt eruss! Kutt eruss!
Nee, wat süht dat herrlich uss.
Keen Kind wat sich nit freud
et hätt dies Naach jeschneit.
Kutt eruss! Kutt eruss! Kutt eruss!
Nee, wat süht dat herrlich uss.
Keen Kind wat sich nit freud
et hätt dies Naach jeschneit.
Melodie: Feliz Navidad, José Feliciano
En schön Weihnachtszick,
En schön Weihnachtszick,
En schön Weihnachtszick
un em neue Johr, janz vell Glöck
En schön Weihnachtszick,
En schön Weihnachtszick,
En schön Weihnachtszick
un em neue Johr, janz vell Glöck
Ich wünsch üch allen en fruhe Weihnacht
Ich wünsch üch allen en fruhe Weihnacht
Ich wünsch üch allen en fruhe Weihnacht
un dat dun ich, deev uss mingem Hätz.
En schön Weihnachtszick,
En schön Weihnachtszick,
En schön Weihnachtszick
un em neue Johr, janz vell Glöck
En schön Weihnachtszick,
En schön Weihnachtszick,
En schön Weihnachtszick
un em neue Johr, janz vell Glöck