Refr.
C&A han sich jefunge,
och der Knack, der hätt sing Back.
Emil hätt sing Detektive
un wat han ich? Ich han Dich!
1.
De janze Welt es sich am trenne, Mensch dat määht doch keene Sinn.
Ich lierten Dich lieben un och kenne, Du bes minge Hauptjewinn.
Treu sin es doch nitt verbodde un och secher nitt verkeet,
losse maache wat se wulle, doch mer machen doh nitt met.
Refr.
Wenn de Pänz em Sommer en et Planschbecken jon,
süht mer se schun Schlange stonn.
Jeder hätt `ne neue Trick,
wie hä am schnellste en dat Becken kütt.
1.
Usser Nohbor Schmitz, es immer jot dropp,
baut em Sommer für de Pänz et Planschbecken op.
Dat Becken es jross un edel,
he triff sich et janze Veedel.
Refr.
Wenn de Pänz em Sommer en et Planschbecken jon,
süht mer se schun Schlange stonn.
Jeder hätt `ne neue Trick,
wie hä am schnellste en dat Becken kütt.
1.
Jetz bes Du janz ovven en d`r Politik.
Du fings Dich selver einfach nur schick.
Du meins Du bes dat Maß aller Dinge,
en jedem Aufsichtsrot kann mer Dich finge.
Wenn de Kass nur klingelt, dat fings Du toll,
dovun kress Du de Hals nitt voll.
Dobei verjiss Du die Lück vun d`r Stroß.
Du weiss nitt mieh wat de Botter koss.
Refr.
Du steihs ald medden em Mehr.
Doch Du wills immer noch mieh.
Du steihs ald medden em Mehr
un mer, mer han nix mieh.
Du steihs ald medden em Mehr,
de Hand en minger Täsch.
Du steihs ald medden em Mehr
un drings uss minger Fläsch.
1.
Jez bes Du enjeschloofe un läß mich he allein,
et deiht esu wie, ich hatt Dich doch suh jäähn.
Unser Levve läuf jrad wie ´ne Film für mer avv,
jez lurs Du vun bovve nur noch ob mich erav.
Refr.
Dich wäd ich nie verjesse, Schatz.
En mingem Hätze es für Dich immer ene Platz.
Wie jän hätt ich noch ens met Dir je danz,
doch ich weiß och, niemols jeiht mer suh janz.
1.
Dä Herjott soß em Himmel
un lurte uss singem Zelt.
Hä säht:“Doh weiht nur noch jerav,
et Jeld rejiert de Welt.“
„Su han ich dat doch nitt jewullt,“
hätt Hä bei sich jedaach
Hä satz sich ob en dunkle Wolk
un hätt nitt mieh jelaach.
Refr.
Jott, jevv nitt op!
Bes Du och nitt jot drop.
Jank lever ene drinke
Dun uns vun bovve winke.
Op Dich lurt de Welt,
Du bes unsre Held.
1.
Nix vun Dir han ich anerkannt,
ben lever ovends en de Weetschaff jerannt.
Wullst Du ens spreche, hatt ich keen Zick,
an Dinger Surje bes Du bal ersteck.
„Du bes de janze Daach doheim,“ su woren ming Spröch.
„Du versorchs nur die Pänz, de Wonnung un de Köch.“
„Et Jeld wirfs Du am Finster eruss,
dat ich dann widder eran schaffe muß.“
Refr.
Ich vermesse Dich, deev en mingem Hätz,
ich han Dich vell zu lang ungerschätz.
Ich han Dich nieh richtig beluurt,
dat Du jez fott bes, han ich längs schun beduurt.
1.
Ob de Stross, dä doh kütt, dä häs de ald ens jesinn,
doch Dinge Kopp jeiht erav un erunter jeiht Ding Kinn.
Erop muss dä Kopp, Ding Aure wick op
dann eh freundlich Hallo un ihr sitt beide jot drop.
Refr.
Mer sull sing Laache verschenke,
nitt immer nur an sich selver denke.
Laache brenk de Minche vell Freud,
Laache hätt noch keener bereut.
Refr.
Ibben Dibben Dab un Schnick Schnack Schnuck,
dä Manni hätt dem Klös op de Fritte jespuck
Seilchespringe, Jummitwist un Höppekesje,
en unsrer Stross hatten alle Pänz vell Spässje.
1.
Mer bemolten de Bürjersteig met Krick, et hätt keener jestührt,
nix wor met Graphiti op en Wand die uns nit jehürt.
Komm ich eran an minge Stein, noh all dä Höpperei?
Ich ston doch nur op einem Bein un waggele dohbei.