Bernds Liedtexte

Hipp Hopp kleene Stropp

• Drucken

Bewertung: 5 / 5

Details

Zugriffe: 4445

Hipp hopp kleene Strop

Et wor en unserem Partykeller, Silvester vür nem Johr
dä Kleen, dä hätt de Saal jerock, ich dach dat es nit wor.
Als hä zoh mingem Broder rev, he mach ding Musik uss
läch doch ens Michael Jackson op, dach ich, ich wäd bestuss.

Refr.
Hipp Hopp kleene Stropp,
Du danz joh wie ´ne Dilledopp.
Du mähs dat herrlich, wirklich jot.
Du häs de Musik wohl em Bloot.

Hipp Hopp kleene Stropp,
Du danz joh wie ´ne Dilledopp.
Du mähs dat herrlich, wirklich jot.
Du häs de Musik wohl em Bloot.

Weiterlesen: Hipp Hopp kleene Stropp

Uns Sproch es Heimat

• Drucken

Bewertung: 5 / 5

Details

Zugriffe: 5054

Uns Sproch es Heimat

1.
Danzmarieche, Dilledopp, Dubbeditzje, kleene Stropp,
Ne wat sin dat herrlich Wöötcher, jon mer nit mieh uss dem Kopp.
Fasterlovend, Fisternöllcher, Flöcke Pitter, Fooderkaat,
Herr dat mot ´ne Fierdaach sin, als Du uns Sproch jemaaht.

Refr.
Uns Sproch es Kölsch, suh wie uns Heimat he,
han de Dom, de Rhing, de Haie un de FC.
Mer fiere Fastelovend met Jecke un Kamelle.
Uns Sproch dat es Kölsch uns Heimat dat es Kölle.

Weiterlesen: Uns Sproch es Heimat

Tass Kaffee

• Drucken

Bewertung: 5 / 5

Details

Zugriffe: 4834

Tass Kaffee

Refr.
Dann mach ich mir ´ne Kaffe, direk ´ne große Pott
eh besche Milsch, vell Zucker, dat schmeck suh jot oh Gott.
Eh locker veedel Stündche, nemm ich mir dofür Zick
dat es an manchem Daach, für mich de schönste Zick.

1.
Telefon un vell Arbeit, de Daach friss Dich grad op.
Schlech jelaunte Minsche, dat räch mich wirklich ob.
Et Sönnche sin ich och nit, wat es dat für ´ne Dress
dann halt ich mir de Zick an, ich well grad keine Stress.

Weiterlesen: Tass Kaffee

Ich jon angele

• Drucken

Details

Zugriffe: 4622

Ich jon angele

Drei Uhr fröh et es alles jepack
de Rut, de Roll un de Angelsack.
Hakenlöser, Posenstopper, Köcher un Schnur
Ich mache als Angler en wirklich jode Figur.

Refr.
Ich jon Angele, angele deiht jot.
Ich jon angele, ming Schnur es niemols zoh kot.
Ich jon angele, et entspannt un mäht frisch.
Ich han nur ein Problem, ich mach ja keene Fesch.

Weiterlesen: Ich jon angele

Wat es dat für en Welt

• Drucken

Details

Zugriffe: 13176

Wat es dat für en Welt

Ich krieg keen Breffe mieh, kriech SMS, wie nett.
Fründe treff ich nit an d´r Thek, die treff ich bei WhatsApp.
Doh darf ich winnestens rauche, en d´r Kneip darf ich et nitt.
En Facebokk erfahre ich, wat et üvver mich zoh wesse jitt.

Refr.
Manchmol han ich dat Jeföhl, de Welt die steiht om Kopp.
Dat kann mer nit ophale, dat jeiht och nit mieh fott.
Et ändert sich suh schnell, doch ich ben deshalb nit kott
un wieh et wigger jeiht weiß nur de leven Gott.

Weiterlesen: Wat es dat für en Welt

Dat sin Daach

• Drucken

Details

Zugriffe: 4901

Dat sin Daach

1.Strophe

Et jitt Daach wor mer am beste em Bettche liege bliev,
Daach wor de Politesse nur dir de Knöllche schriev.
Et Auto spring nit an, Du küss zoh spät zum Job,
Du merks schun an d´r Dür, de Chev es nit jot drop.
De Schrievdesch dä lit voll, et weiht ald immer mieh,
Du merks dann och rech flöck, mein Gott ich kann nit mieh.

Refr.

Dat sin die Daach, doh krieje ich Plaque un Bühle,
künnt für luter Frust de Mond anhühle.
Dat sin die Daach, doh han ich met jedem Krech,
doh fällt mer et Toast met dem Nutella op et Jeseech.

Weiterlesen: Dat sin Daach

Ming Leeder

• Drucken

Details

Zugriffe: 4697

Refr.
Ich ben wie ich ben un schriev suh ming Leeder.
Ich weiß janz jenau die mach wohl nitt jeder.
Schrieve wat mer om Hätz litt, jenau suh muss et sin
nur schrieve wat andere hüre wulle, lit mer nit em Sinn.

1 Strophe
Dat Leed dat es zoh langsam, doh muss mieh Power ren
dat es vell zoh schlapp, dat jeiht doch nit eren.
Dat bruch vell mieh Bässe, et es vell zoh brav,
doh muss Du jet dran mache, dat jeiht nitt richtig av.

Weiterlesen: Ming Leeder

Rhingpirate

• Drucken

Details

Zugriffe: 4989

Refr.
Denn mir sin die Rhingpirate un han immer Spass,
Mer möjen schöne Mädcher un lecker Kölsch vum Fass.

Mir sin die Rhingpirate un stechen jähn en See,
doch zum Fastelovend, doh sin mer widder he.

1,

Fünf echte kölsche Junge un immer schwer op Zack,
han och keene Dudekopp evver de Geisbock op de Flack.
Entere de Südkurv, sin bei jedem Spell dohbei.
Mer kämpfen für de FC un jene kölsche Hai.

Weiterlesen: Rhingpirate