1.
Unger Träne häs Du et mir dohmols jesteck,
„Ich ben schwanger un minge Typ, der es weg.“
„Wat sull ich nur met dem Kind allein maache?“
Doch schun bal däht et Dich et eztemol anlaache.
Verjesse woren schnell Surje un Ping,
jetz hatt`s Du Dinge Sunnesching.
Refr.
Ich ben stolz op Dich, dat häs Du jot jemaaht
un doch han ich et Dir noch nie jesaaht,
wat Du jeschaff häs, dat bruchs Du nitt zoh verstecke,
de Hot, däh muss mer vür Dir trecke.
1.
Ich kaufe Blome om Maat, suh süht dat och uss,
wenn Du zweimol dran schöddels, es et `ne Struß.
Ich decke de Fröhstöcksdesch, bemöhe mich sehr,
Du stells he und doh jet bei un schun hätt et Flair.
Refr.
Dat wat Du hinlächs, süht immer jot uss.
Wärme un Jemötlichkeit, bränks Du uns noh Huss.
Met Dir zoh levve määht einfach nur Freud,
ich han noch keenen Daach bereut.
Nohbors Katz
1.
Dies Daach beim Dusche sääht ming Frau, mein Jott, Du leeven Schatz
wer hätt Dir dann de Ärme un de Rögger suh verkratz?
Ich jläuv, leev Frau, de Nohborskatz die wor ens widder he.
Worob sei meint, en ihrer Wäsch looch eh janz frimp Negligee
Refr.
Bei uns em Hus, mer jläuv et nit, doh liev en frimde Katz,
die hätt mich ald he und doh un üvverall jekratz.
Doch ming Frau die hätt die Katz noch immer nitt jesinn.
Se meint ich hätt en Bomb jeköpp, dat künnt doch janitt sin.
Se meint ich hätt en Bomb jeköpp, dat künnt doch janitt sin.
1.
Scheng nitt, evver ich mache noch em stonn,
doch de Brill es sauber, wenn ich widder jon.
Ich wäd mich nitt, zweimol am Daach rasiere
un ez rech nitt, de Fingernäl lackiere.
Refr.
Ich bene ne Mann un will nix anderes sin.
Wenn et drop an kütt, hald ich richtig drin.
Ich bene ne Mann, suh määht ming Levve Sinn,
ene Frauenversteher wullt ich niemols sin.
Em Jaade
Refr.
Dä Müller hätt em Jade ene Baum,
dä Meier hätt em Jade ene Jadezaun.
Dem Müller singe riesenjroße Baum,
steiht vell zu noh an dem Meier singem Jadezaun.
Jeden Daach es an dem Zaun en Keilerei,
Dä Müller un dä Meier sin dohbei.
1.
Eh eije Hüsjer met nem Jade un nem Baum
Müller un sing Frau erfüllten sich ´ne Draum.
Och dä Meier un sing Frau die hatten Jeld,
han ihr Hüsjer direk nevven Müllers Hus jestellt.
Eines Daachs doh pflantzt dä Müller ene Baum
direk an dem Meier singen Jadezaun.
Dreitagebart
Dreitagebart,
drei Woche han ich drop jewaat.
Dich avzohschnigge wör zoh schaad.
Dreitagebart.
Vatter Rhing
Refr.
Vatter Rhing, Vatter Rhing
Du häs em Levve ald vell jesinn.
Du nohms alles einfach met
Häs et en et Meer jeschött.
1.
De Kreje han Dich schwer metjenomme.
Manch Scheff es nitt mieh Heim jekomme.
Zerstört wor Kölle un suh manche Bröck,
se bauten et widder op, Stöck vür Stöck.
Hück bes Du Du
1.
Wors Du dat nitt, der de Welt ens op de Kopp stelle wullt?
Wors Du dat nitt der vum Mond ens erunder speie wullt?
Du wulls de Sonn am Himmel fes fixiere!
Du wulls all die Sproche der Welt ens liere!
Wullst Du nitt levve janz ohne Jeld?
Un nur em freie ungerm Himmelszelt?
Wulls Du nitt die Welt ens jlöcklich maache?
Alle Minsche sullten immer nur laache?
Refr.
Un Hück, Hück bes Du Du,
dat es nuh einmol suh.
Woh sin dann nur all Ding Dräum,
wachse wigger op de Bäum.
Woh es dat all jeblevve
Du steihs fürm Ress vun Dingem Levve