Bernds Liedtexte

Alaaf

• Drucken

Details

Zugriffe: 8068

Alaaf

De Dom, de Allstadt un de Rhing, he jehüren ich hin.
Mer han eh Woot, dat saren mer un han nur Jodes em Sinn.
Et kütt vun Hätze, uss de Siel un zwar rund öm de Uhr
un wenn et einmol nit suh läuv, dann säht dä Kölsche nur.

Refr.
Alaaf, dat kütt dev uss dem Hätz, dat kennt he jede Panz.
Alaaf, kenne och de Wiever jot, Jeck loss Jeck elans,
Alaaf, dat jit Dir neuen Moot, dat hilf he jedem Fetz,
Alaaf, kütt mer etz üvver de Hungk, kütt mer och üvver de Stetz.

Weiterlesen: Alaaf

Jode ahle Rhing

• Drucken

Details

Zugriffe: 4226

Jode ahle Rhing

Dä ahle Rhing dä kann nit mieh,
krett kaum et Wasser en d´r Hüh.
Met aller Kraft ob jeden Fall,
dräht hä die schwere Scheffe all.

Jode, ahle Vatter Rhing,
leg Dich doch ens einfach hin
mach et Dir ens richtig net,
läch Dich en Ding eije Bett.

All dat Jeff uss d´r Chemie
dun im secher richtig wieh.
All dä Dreck dä met im schwemmp
un im singe Odem nimmp.

Jode, ahle Vatter Rhing,
leg Dich doch ens einfach hin
mach et Dir ens richtig net,
läch Dich en Ding eije Bett.

Weiterlesen: Jode ahle Rhing

Hand en Hand (Pflegenotstand)

• Drucken

Details

Zugriffe: 4249

Hand en Hand(Pflegenotstand)

Dä Pfleger es kapott, hä kann et nit verstonn
die Frau möch noch jet schwade doch hä muss wigger jon.
Hätt nur eh paar Minutte, für die ahle Lück
hä dät joh jän noch blieve, dä Stress mäht in verröck.
dat mer nit mieh Zick hät, dat mäht doch keene Sinn,
un dann noch wat jedonn wot, en d´r Computer  ren.

Mer müssen all zohsamme ston,
mer müssen all zohsamme jon!
All mem Rögger an d´r Wand,
all zohsamme Hand en Hand!
Jeder muss doh dröver watsche,
met einer Hand kann mer nit klatsche

Weiterlesen: Hand en Hand (Pflegenotstand)

Jedem Jeck ene Baum

• Drucken

Details

Zugriffe: 4241

Jedem Jeck ene Baum

Refr.
Jedem Jeck ene Baum, ne wor dat ene Draum.
Beim Rusemondaachszoch weiht avjezallt
un Äschermettwoch wäden se schun objestallt.
Baum an Baum, wie en Peelekett
un keener bruch mieh en Umweltplakett.

1.
De Feinstaub määht uns all kapott, dat hürt mer jeden Daach,
En Odemmaske dräht mer hück, am Daach un en d´r Naach.
Jeder hät en Krankheit, die mer vürher nit jekannt.
Woch vür Woch weiht jetz zum Doctor hinjerannt. 

Refr.
Jedem Jeck ene Baum, ne wor dat ene Draum.
Beim Rusemondaachszoch weiht avjezallt
un Äschermettwoch wäden se schun objestallt.
Baum an Baum, wie en Peelekett
un keener bruch mieh en Umweltplakett.

2.
Dausende Autos en d´r Stadt, doh weiß Du doch bestuss,
Et stink un rüch suh widderlich, ich jon nit mieh eruß.
Sprinter, Laster, PKWs, woh wollen die all hin?
Für Kinderware keene Platz, dat mäht doch keene Sinn.

Refr.
Jedem Jeck ene Baum, ne wor dat ene Draum.
Beim Rusemondaachszoch weiht avjezallt
un Äschermettwoch wäden se schun objestallt.
Baum an Baum, wie en Peelekett
un keener bruch mieh en Umweltplakett.

3.
Fröher spellten mer als Pänz en Kölle en jeder Gass
Seilchespringe, Höppekäsche, wat hatte mer ´ne Spaß.
Hück steiht ein Auto am Andere, keiner hätt mieh Zick.
En Murmel krächs Du Hück nit mieh bis ob de andere Sick.

Refr.
Jedem Jeck ene Baum, ne wor dat ene Draum.
Beim Rusemondaachszoch weiht avjezallt
un Äschermettwoch wäden se schun objestallt.
Baum an Baum, wie en Peelekett
un keener bruch mieh en Umweltplakett.

Juli 2018 – B.Kox

Unge am Rhing

• Drucken

Details

Zugriffe: 4231

Unge am Rhing

Ich wor unge am Rhing et wor ´ne herrliche Dach
De Sunn stunnt am Himmel schun bal vezehn Dach.
Du koms met´nem Hungk un nem Strohhot om Kopp.
Ding herrlich Laache riss de Knee mer bal fott.
Ding blaue Aure lurten deev en ming Hätz.
Ich han mich verliebt un jing Dir en et Netz.

Refr.
Han ich et ob de Aure, ich kann Ding Flüjel nit sin.
Du küss doch vum Himmel, muss eh Engelcher sin.
Ding strohlende Aure, Ding frölich Jesech
ich ben suh verlieb, ich han Dich suh lev.

Weiterlesen: Unge am Rhing

Et Hätz ob d`r Zung

• Drucken

Details

Zugriffe: 8468

Et Haetz ob dr Zung

 Eh kölsch Mädcher, ´ne kölsche Jung
han et Hätz stets ob d´r Zung.
Se schwaden immer nur graduss,
wat eruss muss, muss eruss.

Häs Du Jester dat Marie jesinn, ne wor dat jot dropp.
Hätt met jedem Käl jedanz, keener kom zoh kot.
Ich sat zoh ihr, Du Leckerche, ich hat et fass em Ärm,
lur mich nit suh lecker an, Du häs de Röggelcher wärm.

Weiterlesen: Et Hätz ob d`r Zung

Uns kölsche Orijinale

• Drucken

Details

Zugriffe: 9774

Uns kölsche Orijinale

1.
En d´r janzen Welt en jedem Land
sin Tünnes un och Schäl bekannt.
Met Driehorjel em Husarenrock
hätt Orjels Palm de Stadt jerock.

Als Fleute Arnöldche woht hä bekannt
es met de Querflöt durch uns Stadt jerannt.
De Pänz zoh helfe es im jelunge
Hä woht als Lehrer Welch besunge.

Refr.
Dat sin uns Kölsche Originale,
die sind met Jeld nit zoh bezahle.
Die han et Hätz ob d´r Zung
un brenge uns Kölle en Schwung.
Han eijentlich nur jodes em Sinn
un blieven vür Iwig en unsrer Hätze dren.

Weiterlesen: Uns kölsche Orijinale

Mem Rädche durch et Veedel

• Drucken

Details

Zugriffe: 9408

Mem Rädche durch et Veedel

Ich fuhr met mingem Räche he durch uns schöne Stadt
Zweitausend Johr Jeschichte, Ich wor vür staune platt.
Kranhüser, Rhing un Dom, dat es vun mir eh Stöck.
Minge Stolz un ming Liebe häng mem Schlössche an d´r Bröck. 

Nee, wat es dat edel, mem Rädche durch et Veedel
nee wat es dat Krass, nee wat mäht dat Spass.
Fahr ens durch Ding Städche, vür Staune bes de platt.
Du weiß joh immer schöner, Kölle ming Vatterstadt.

Weiterlesen: Mem Rädche durch et Veedel