Bernds Gedichte

Huhamp

• Drucken

Details

Zugriffe: 2568

Huhamp

Uns Glocke sin am Rocke
seh schlare wie beklopp
manch einer dun seh schocke
als wören seh jedoop.

Seh schlaren alle Vier
dat kütt nur selden vür.
Seh bimmele wie jeck,
ne wat sin die keck.

Seh jeven richtig Gas
wat han die vür´ne Spass.
Dat kütt wirklich selden vür,
doh steiht eh Huhamp vür de Dür.

August 2018 – B.Kox

Ich ben beklopp

• Drucken

Details

Zugriffe: 2865

Ich jläuv ich ben krank,
han nitt alle Tasse mieh em Schrank.
Mer meint et kaum
han nit alle Latte mieh em Zaun.
Ich ben ´ne besonders schwere Fall
ich mein ich han se nitt mieh all.
Wat mich an mir stürt,
ich han dä Knall noch nit jehürt.

Weiterlesen: Ich ben beklopp

Prost Neujohr

• Drucken

Details

Zugriffe: 2881

im Original aus Bayern

De Neujohrsglocke lügge vun üvverall her,
am Himmel eh glitzernd Fuermeer.
Rakete steige ob, voller Glanz, janz steil un jrad,
em janze Land weiht Fürwerk jemaaht.

De Sekt dä schümp un Jläser klinge,
anjestoße weiht zum Jlöckwunschbrenge.
Ob eh neu Johr voll Jesundheit, Erfolg un Jlöck,
kaum einer lurt noch ob dat ahle Johr zohröck.

De Mechte han dofür och jakeein Zick
vür luuter Staune, zum Himmel de Blick.
Vun alle Sigge weiht jeböllert un jeschosse,
et Urakel weiht jefroch un Blei weiht jejosse.

Vielleich sin joh eh paar wirklich noch am sinniere,
wat weiht wohl nächstes Johr passiere?
Blieven mer jesund? Han mer Arbeit un han mer Fredde?
Wat weiht sin, wat weiht sinn, manch einer deiht bedde.

Nix es jewiss, keiner weihst wie et kütt
söns wöt mer wahrscheinlich och verröck.
Wenn mer immer wös wat weiht un wie et kütt,
wat em Levve alles vür einem litt.

Doh deiht et jot, wenn en d´r Silversternaach
Prost Neujohr jewünsch weiht, met Bedacht.
Mer spürt, dä meint dat suh, met Jeföhl,
dat jeiht en et Hätz un en d´r Siel.

Die et nit erns meine, denne et nix bedück
wor nix dohinger es, die jit et och die Lück.
Die saren joden Rötsch un Tschüß,
suh dat bei uns nitt üblich es.

Wor es doh et Jemüht un de Hätzlichkeit,
wenn et en eh neu Johr eren jeiht.
Nee jläuv mer, suh sach ich dat nit.
Bei mir krett noch jeder en d´r Aure ´ne Bleck.

Ich wünsch allen un dat han ich mer vürjenomme,
dat se jesund blieve un en d´r Himmel komme.
Dem Herrjott singe Segen jehürt dohzoh, wie wor
Suh wünschen mer Kölche eh Prost Neujohr.

Dä Ahl

• Drucken

Bewertung: 5 / 5

Details

Zugriffe: 12022

Em Kopp nit janz klar, dat es secher nit doll
sitz hä em Rollstohl, de Windele voll.

Hä kann kaum noch spreche, es och söns nitt jesund,
de Seifer, der läuv ihm uss dem Mungk.

Hä hätt üvverall Ping, et es wirklich schad,
wat hätt der Mann en singem Levve ald alles jemaaht.

Hä wor Ingeneur, hätt Fluchzeuge gebaut,
hätt sich en janze Menge zohjetraut.

Et es erstaunlich un nit jelore
hä hätt die Maschine och selver jeflore.

Hä hätt de janze Welt vun bovve jesin
jetz sitz hä en dem Rollstohl dren.

En Frau, zwei Kinder drei Enkel sujar,
für sie wor hä immer de jrußeStar.

Hus, Auto und Jade, der Famillich zum Wohl
jetz sitz hä en dem blöde Rollstohl.

Anjewiese ob Andere, suh liev hä hück,
evver dat hä ens wie ihr wor, verjesst dat nit.

Wenn ich dohbei an uns Oma denke
dä Satz „Ich will keenem zur Last falle“
kannste Dir schenke. Versproche!

Oktober 2017 – B.Kox