Refr.
Vatter Rhing, Vatter Rhing
Du häs em Levve ald vell jesinn.
Du nohms alles einfach met
Häs et en et Meer jeschött.
1.
De Kreje han Dich schwer metjenomme.
Manch Scheff es nitt mieh Heim jekomme.
Zerstört wor Kölle un suh manche Bröck,
se bauten et widder op, Stöck vür Stöck.
1.
Wors Du dat nitt, der de Welt ens op de Kopp stelle wullt?
Wors Du dat nitt der vum Mond ens erunder speie wullt?
Du wulls de Sonn am Himmel fes fixiere!
Du wulls all die Sproche der Welt ens liere!
Wullst Du nitt levve janz ohne Jeld?
Un nur em freie ungerm Himmelszelt?
Wulls Du nitt die Welt ens jlöcklich maache?
Alle Minsche sullten immer nur laache?
Refr.
Un Hück, Hück bes Du Du,
dat es nuh einmol suh.
Woh sin dann nur all Ding Dräum,
wachse wigger op de Bäum.
Woh es dat all jeblevve
Du steihs fürm Ress vun Dingem Levve
Refr.
Wenn alles passiert, wat passiere künnt,
ob ich dann wirklich noch he stünd?
Wat leev nitt alles en dene Johre verkiert,
mer muss och liere, wie et Levve funktioniert.
1.
Mer hatten keen Spellzemmer volljeknallt,
met Barbies, Gameboys un EDV jeballt.
Mer woren nur ob de Stroß und dat nitt zoh koot,
jingen etz Heim, wenn et dunkel woot.
„Postkutchenüberfall“,“Verstecke“ un „Räuber un Gendarm“
uns Spelle hatten noch Spannung un Charme.
Refr.
La Luna, la bella Luna,
sind wir nicht alle ein bischen Bluna?
Es de Vollmond ez zohröck,
spellt de janze Welt verröck.
1.
Bes Du Hück Morje schlech drop?
Hätt Dir einer jet en de Schooh jestop?
Ding Spejelbild hätt ald jestaunt,
Mensch wat es dä schlech jelaunt.
Refr.
´Ne Spatz en d´r Hand udder en Duv op dem Daach,
wie jähn häs Du dohmols met uns jelaach.
Wie jot mer et doch fröher all zohsamme hatte,
denk dran, „Vell Leich määht och vell Schatte.“
1.
Deutschland söök dä Superstar udder e suh ene Keu,
ejal, doh weiht jez metjemaaht, Hauptsaach mer es dohbei.
Texte un Leeder vun fremde Lück, die drächs Du dann doh vür,
jet uss Dingem eijene Kopp un Hätz, dat kütt doh nit vür.
Refr.
Ich ben ene Single un wullt dat niemols sin.
E Suh zoh levve määht vür mich ja keene Sinn.
Die Richtije fand ich bisher hald noch nitt,
ich weiß och janit, ob et die üvverhaup jitt?
1.
Früngde un Früngdinne met Pänz kenne ich vell.
Ich besöke die jäähn un belur mir doh dat Spell.
Wenn ich ´se dann sin, en ihrem Alldaachstrott,
ben ich jäähn doh, evver och jäähn widder fott.
1.
Ich weiss et noch wie Hück, et wor en Schau,
de letzte Scholdaach, mer woren all blau.
De jrösste Schnauz en d´r janze Klass.
Met dem, doh hatte mer ov vell Spass.
Hä kräch och nitt immer für sing Sprüch Applaus,
doch wat de om Hätz hatt, dat moht eraus.
Refr.
Mahht ich einer he blöd an,
schrievt et ahn,
schrievt et ahn,
suh lang ich noch ene Deckel han.
1.
Die Karawane trog wigger, die Kaschemm die hatt zoh,
Allein wat noch op hatt wor et Bahnhofsclo.
De Sultan wor ratlos un wos nitt wohin,
ich han nur jedaach, Doosch es schlemmer wie Ping.
Refr.
Dann stell ich mer für, et wör keene Spass,
et Wasser vum Rhing, wör Kölsch vum Fass.
Mer künnte dann suffe un dat ohne Jeld.
En Kölle wör die jrösste Bierbud der Welt.